Ajo konsiderohet si një prej femrave më të bukura dhe më tërheqëse në Shqipëri, por bukuria e saj duket se i ka fillesat që në fëmijërinë e saj.
Këtë ka dashur të vërtetojë këngëtarja Çiljeta Xhilaga e cila ka postuar në Instagram një foto kur ka qenë 12 vjeçe dhe fanse e çmendur e Ricky Martin.
“Të vetmet gjëra që kisha lënë pa transferuar në shtëpinë time të re ishin albumet e fotografive të vegjëlisë, kur pashë gjithë ato albume vendosa me shumë kënaqësi t’i ndaj me ju të gjitha kujtimet e mia dhe kështu do të bej disa ditë rresht… Kjo është një foto kur isha 12 vjeçe, atëherë isha fansja e Ricky Martin, aq sa preva dhe flokët iriq përpjetë si ai. Flija me çdo revistë të tijën që mi sillte çuni i xhajës nga Gjermania. Ato kohëra nuk kthehen më, por kujtimet dhe shpresa janë ato që na mbajnë gjallë”, shkruan Çiljeta teksa poston fotografinë.